Ozçelîk: Divê PKK ji Şingalê vekişe

Serokê Partiya Azadiya Kurdistanê (PAK) Mistefa Ozçelîk êrîşa Tirkiyê li ser Şingal û Qerçoxa li Rojavayê Kurdistanê şermezar kir û daxwaz ji PKKê kir ku ji Şingalê vekişe.
kurdistan24.net

 

K24 – Navenda Nûçeyan

Serokê Partiya Azadiya Kurdistanê (PAK) Mistefa Ozçelîk êrîşa Tirkiyê li ser Şingal û Qerçoxa li Rojavayê Kurdistanê şermezar kir û daxwaz ji PKKê kir ku ji Şingalê vekişe.

Serokê Partiya Azadiya Kurdistanê (PAK) Mistefa Ozçelîk ji K24ê re ragihand, “Em êrîşên Tirkiyê li ser Şinagal û Dêrika Rojavayê Kurdistanê şermezar dikin. Tirkiye bi vê siyaseta xwe ya êrîşker nikare ti prisgirêkan çareser bike.

Mistefa Ozçelîk got jî, pêwîst e PKK ji Şingalê vekişe û rêzê li parlemento û hikûmeta Herêma Kurdistanê bigire, ji ber ku bi mana PKKê li şingalê rê li ber êrîş û bombebaranê li ser gelê Kurd vedibe.