Mûzexaneya Kobanê nîşana hovîtiya DAIŞê ye

K24 – Kobanê

Taxek ji bajarê Kobanê di encama şerê li dijî DAIŞê de piraniya avahiyên wê hat rûxandin, di wê taxê de şerekî giran û berxwedaneke xurt hate kirin.

Di 15 ê Îlûna 2014an de bajarê Kobanê rastî şerekî dijwar di navbera şervanên Kurd û DAIŞê de nêzî 75 ji rêjaya bajêr hate rûxanidin, lê rûxandina herî zêde li vê taxê bû, ku li vir hêzên Kurdî bervaniya herî xurt kirin û ji vir ve destpêka têkbirina DAIŞê destpê kir.

Zinar şervanekî Yekîneyên Parastina Gel (YPG) ji bajarê Kobanê ye, li gel birayekî xwe di vê taxê de beşdarî şer bûbû, biştî 4 salan Zinar vedigere taxê û bîranînin şer û dijwariya wê vedijîne.

Zinar dide zanîn, her devereke vê taxê şahidê bûyerê û berxwedana wan di şerê dijî DAIŞê de ye, ku di her cîhekî de hevalekî wî bi qehrmanî kiriye û şehîd bûye.

Şervanê YPGê Zinar ji K24ê re got: “83 şervanên ji grûpa Helebê bervanî li vir kirin, ji 83 şervanan niha 2 heval tenê xweş in û yên di hemû şehîd bûn.  

Piştî têkbirina DAIŞê û rizgarkirina bajêr û gundewarê wê, biryar hat standin ku devera rûxandî ji Kobanê bibe mûzexane, lê piştre bi biryarekê ji YPGê, rêjeya mozexanê bi çûk bû û tenê 115 hezar metro çagoşe ji vê taxê ku 800 mal li xwe digire, bû mûzexane û li şûna wê biqasî rûbera 115 metro cargoşe û pereyên avakirina xaniyan di taxa Kobaniya Nû bo nişticihên wê hat dayîn.

Roja hîro tevahiyê neşteciyên taxê malên xwe veguhestin taxa nû, lê hîna 2 mal tê de mane. Li gor ew dibêjin, di demeke nêzîk de û piştî avahiyên xwe yên bidawî bikin, dê ji wê taxa Mûzexaneyê derkevin.

Evîn Ehmed ku dayîka 6 zarokan e dide zanîn, çend rojên di wê mala de maye, ew ê jê derkave û gelek bîranînên xwe pişt xwe bihêle. Evîn dibêje, ewê her dem serdana taxê bike.

Taxa Mûzaxenê an jî taxa Şehîd Serhed yak u ji berî şer bi navê taxa Kortê dihat nasîn, her kolaneke wê navê şehîdekî lê hatiye kirin. Ev dîmenên rûxandinî tekezî li ser berxwedanî û qehramaniya şervanên Kurd û Kurdistanê di ber Kobanê de li dijî DAIŞê dikin.