Daxwaz ji Kanadayê tê kirin dest bi hevkariya Pêşmerge bike

K24 – Navenda Nûçeyan

Hikûmeta Herêma Kurdistanê daxwaz ji welatê Kanada de dest bi hevkarî û rahênankirina Pêşmerge bike.

Nûnera Hikûmeta Herêma Kurdistanê li Washingtonê Beyan Samî Ebdilrehman ku hefteya bûrî bi serdanekê li Kanadayê bû ji K24ê re got: “Me di hevdîtinekê de spasiya Kanadayê kir û me daxwaz jê kir, dest bi hevkariyên xwe yên bi hêzên Pêşmerge û Hikûmeta Herêma Kuridstanê re bike.”

Ragihand jî, “Geşbîn im ku di dahatûyê de Kanada wek hevpeymaniyeke bihêz a Herêma Kurdistanê bimîne.”

Nûnera Hikûmeta Herêma Kuridstanê li Washingtonê amaje bi wê kir, daxwaz ji Kanadayê kir wek endameke NATOyê û Hevpeymaniya Navdewletî, rola xwe di bernameya çaksaziya hêzên Pêşmerge de berdewam be, ji bo yekxistin û pêşxistina hêza Pêşmerge.

Kanada yek ji wan welatan bû, bi destpêkirina şerê Pêşmerge êli dijî DAIŞê de hevkariya Pêşmerge kir, her çend e beşek mezin ji hevkariyan bi riya Bedayê re digihîştin destê Pêşemrge, lê niha wî welatî hevkariyên xwe rawestandiye.  

S. B