Li derdora Serê Kaniyê şer derketiye

Li gundewarê Serê Kaniyê şer di navbera HSD û mîlîşyayên ser bi artêşa Tirkiyê derketiye.

K24 – Navenda Nûçeyan

Li gundewarê Serê Kaniyê şer di navbera HSD û mîlîşyayên ser bi artêşa Tirkiyê derketiye.

Peyamnêrê K24ê da zanîn, li bajarokê Zergan ê ser bi Serê Kaniyê ve, şer di navbera çekdarên mîlîşyayan ji aliyekî û şervanên HSDê û hêzên artêşa Tirkiyê de ji aliyekî din ve derket.

Herwiha artêşa Tirkiyê jî gundê, Til Umran Um Uşib û Bab El Ferec yên heman deverê topbaran kirin.

Li gor medyaya nêzîkî HSDê jî, wan bersiva êrîşên mîlîşyayên çekdar dane û hejmarek ji çekdaran hatine kuştin û birîndarkirin.

Herwiha duh li gundewarê Serê Kaniyê ji encama şer û pevçûnan 6 leşkerên artêşa Sûriyê birîndar bûbûn.

Ev yek di demekê ye, hîna heyama rêkeftina Rûsî – Tirkî bidawî nebûye û agirbest li wê herêmê heye, lê HSD Tirkiye û çekdarên mîlîşyayan bi binpêkirina agirbestê tometbar dike.

 

S. B