Serokê CHPê Kiliçdaroglu pakêta reforma aboriyê rexne kir

Duh ji aliyê Serokkomarê Tirkiyê Recep Tayyîp Erdogan ve pakêta reforma aboriyê hatibû eşkerekirin.
Serokê Partiya Komarî ya Gel (CHP) Kemal Kiliçdaroglu
Serokê Partiya Komarî ya Gel (CHP) Kemal Kiliçdaroglu

Enqere (K24) - Duh ji aliyê Serokkomarê Tirkiyê Recep Tayyîp Erdogan ve pakêta reforma aboriyê hatibû eşkerekirin. Serokê mixalefeta sereke CHPê Kemal Kiliçdaroglu pakêta reforma aboriyê rexne kir û got; “li Tirkiyê 10 milyon bêkar hene û di pakêtê de ji bo pirsgirêka bêkariyê bê çareserkirin tu wehd û pêşniyazekê nîne.”

Li Tirkiyê karvedanên ragihandina pakêta reforma aboriyê didomin. Serokê mixalefeta sereke CHPê Kemal Kiliçdaroglu pakêta reforma aboriyê ya hikûmeta Ak Partiyê rexne kir û got, “li Tirkiyê 10 milyon bêkar hene û di pakêtê de ji bo pirsgirêka bêkariyê bê çareserkirin tu wehd û pêşniyazekê nîne.”

Serokê CHPê Kemal Kiliçdaroglu di serdana xwe ya bo Îzmîrê de axivî û got, “Pakêta aboriyê ragihandin. Lê tê de bi hevokekê jî negotin ku em ê pirsa bêkariyê çareser bikin. Ji 10 milyonî zêdetir bêkarên me hene. Lê îro li saziyên dewletê kesên ku 3-4 mûçe werdigrin heye.”

Duh Serokomarê Tirkiyê Erdogan, li Stenbolê bi bernameyekê nasandinê, “Pakêta Reformên Aboriyê” eşkere kiribû. Erdogan destnîşan kiribû ku ew ê bi Reformên Aboriyê aboriya Tirkiyê li ser veberhênan, hilberîn, îstixdam û hinardeyê mezin bikin.