Çekdarên ser bi Tirkiyê ve 14 kes ji Efrînê revandin

Çekdarên ser bi Tirkiyê ve welatiyên kurd ên Efrînê bi armanca standina fidyeyê direvînin.

Kurdistan24 Hewlêr 2021/03/17 08:42

Kurdistan Efrîn Grûpên Çekdaran Artêşa Tirkiyê

Navenda Nûçeyan (K24) – Çekdarên ser bi Tirkiyê ve welatiyên kurd ên Efrînê bi armanca standina fidyeyê direvînin.

Rêxistina Mafên Mirovan li Efrînê belav kir, grûpa çekdar a bi navê El-Hemzat bi mebesta standina fidyeyê ji xelkê Efrînê, roja 15ê Adarê 6 welatî ji gundê Coqê yê ser bi Efrînê ve revandin.

Navên kesên hatine revandin wiha ne: Mistefa Kemal Seîd, Kemal Wehab Seîd, Îsmaîl Ilêwî, Mihemed Qasim, Ciwan Osman Qere, Basil Hesen Mûsa.

Rêxistina Mafên Mirovan li Efrînê belav kir, grûpa çekdar El-Hemzat roja 15ê Adarê bi ser gundê Mûskê li navçeya Raco de jî girt û 8 kes jê revandin. Piştî ku çekdaran fidye ji wan standin, ew berdan.

Navên kesên ji gundê Mûskê hatibûn revandin: Ferîd Hesen Dahod, Mistefa Qadir Mistefa, Xelîl Qadir Mistefa, Rêzan Bilal, Hebeş Bekir Maco, Ebdo Mihemed Sîno, Mihemed Mehmûd.

Sê sal di ser dagîrkirina Efrînê ji aliyê artêşa Tirkiyê û grûpên çekdaran re derbas dibin. Li gor amarên rêxistinên mafên mirovan, di heyama van sê salan de, zêdetir ji 7 hezar welatiyên kurd ji aliyê çekdaran ve hatine revandin û heta niha çarenivîsa beşeke mezin ji wan ne diyar e.