Serok Barzanî: Xebata PDKê fakterê girîng û bi bandor di dîroka xebat û berxwedana gelê Kurdistanê de ye

Peyama Serok Barzanî ya di 75. salvegera damezrandina Partiya Demokrat a Kurdistanê (PDK) de

Kurdistan24 Hewlêr 2021/08/16 10:19

Navenda Nûçeyan (K24) – Serok Barzanî ya di 75. salvegera damezrandina Partiya Demokrat a Kurdistanê (PDK) de peyamek belav kir û tê de ragihand, “Xebata Partî fakterê girîng û bi bandor li dîroka xebat û berxwedana gelê Kurdistanê de pire li evraz û nişêvî û Partî beşdareke serekî li serkeftin û destkeftan buye û li qonaxên dijwar da herdem xwe bi berpirs zaniye.”

Peyama Serok Barzanî ya di 75. salvegera damezrandina Partiya Demokrat a Kurdistanê (PDK) de

Bi navê xwedayê mezin û dilovan

Bi helkefta heftê û pêncemîn salvegera damezrandina Partiya Demokrata Kurdistanê de, germtirîn pîrozbahiyên xwe pêşkêşî hemû kadîr û endam û alîgirên Partî dikim. Pîrozbahiyê li malbatên serbilindên şehîdan û Pêşmergeyên qehreman û hemû çîn û pêkhatên Kurdistanê dikim û hêviya serbilindî û xweşiyê ji bo wan dixwazim.

Damezrandina Partî li şanzdehê Tebaxa 1946 da pêwîstiyeke dîrokî bû ji bo berdewamiya xebat û berxwedana gelê Kurd ya li wê demên ku neyar û dagîrkerên Kurdistanê bi hemû hêz û şiyanên xwe ve hewla nehiştina şoreş û serhildana gelê Kurd didan. Partî her li destpêka damezrandinê ve heta niha amrazek bûye ji bo pêkanîna armanca demokratî û niştîmanî û neteweyiyên gelê Kurdistanê û li heman demê de jî mil bi milê li gel hêzên têkoşer û niştimanperwerên dinê Kurdistanê amrazên bergirîkirinê buye li maf û nasnameya gelê Kurdistanê ya li hemû qonaxan da.

Xebata Partî fakterê girîng û bi bandor li dîroka xebat û berxwedana gelê Kurdistanê de pire li evraz û nişêvî û Partî beşdareke serekî li serkeftin û destkeftan buye û li qonaxên dijwar da herdem xwe bi berpirs zaniye. Li hemû qonaxan da Partî wekî amrazek bûye li destê gelê Kurdistanê de ji bo mîsogerkirina maf û destkeftan û kûrtirkirina fireh alî û birayetî û pêkvejiyanê û rola xwe ya pêşeng li hemû warên jiyana siyasî ya Kurdistanê de parastiye.

Damezrandina Partiya Demokrata Kurdistanê ji bo perçeyên din ên Kurdistanê jî cihê hêvî û serhildanê bû û ji dayikbûna Partî destpêkeke nû bû ji bo têkoşîn û xwe radestnekirin û nehiştina bêhêviyê. Cihê şanaziyê ye Partiya Demokrata Kurdistanê xwe bi tu îdeolojiyeke teng û hizrî ya şovenî û tundiyê ve girênedaye û bûye sêwanek ji bo wê yekê ku hemû pêkhatên neteweyî û olî yên Kurdistanê li bin da kombibin û eve bi xwe destkefteke bêwêne û serdemiyane bû li pêşketina hizra siyasî ya li Kurdistanê da. Partî herdem hilgirê peyama aştiyê bûye û berdewam jî amade bûye ji bo berevanîkirina Kurd û Kurdistanê.

Di dema niha de aramî û parastina Kurdistanê û bihêzkirina pêkvejiyan û aramî û birayetî û tebayî ya di navbera hemû pêkhat û aliyên siyasiyan û bihêzkirina dam û dezgehên Herêma Kurdistanê ewlewiyeta serekî ya siyaseta Partî ye. Her wiha Partî tekez li wê yekê dike ku doza rewaya gelê Kurdistanê pêwîst e li rêya aştî û hevdû têgihîştinê û dawiya bi zimanê înkar û xwesepandinê bêanîn û bê çareser kirin. Di derbarê rewşa Iraqê jî mixabin ew sedemên ku bûne hokarên serhildana teror û nearamiyê hê jî mane. Her li vî warî de ez bawerim hilbijartinên paşerojê ya Iraqê dikarê bibe dergeheke baş ya ji bo nûbûna proseya siyasî û çespandina îradeya welatiyan ya ji bo gûhertin û gihîştina bi aramiyê.

Li vê salvegera pîroz da pêwîst e hemû partî li asta mezinahiya dîrokê û qurbanîdana partiyên xwe bin û tu demekê ewe ji bîra wan neçê ku Partî (PDK) partiyeke xwediyê dozekê ye û xwediyê rêbaza Barzanî ye û bi navê rizgarî û xizmeta Kurdistanê hatiye damezrandin. Pêwîst e ji berê bihêztir rûbirûyê gefan bibe û derfetan jî ji bo bihêztirbûna Kurdistanê bikar bînin û erkê xwe ya ji bo pêşxistina avadanî û pêkvejiyan û tebayî ya Kurdistanê, bi baştirîn awayî encam bidin.

Mesûd Barzanî

16.08.2021

Serok Barzanî: Xebata PDKê fakterê girîng û bi bandor di dîroka xebat û berxwedana gelê Kurdistanê de ye

Serok Barzanî bi serkirdeyên Hevpeymaniya Birêvebirina Dewletê re civiya

Serok Barzanî: Dilsoziya Danielle Mitterrand ti carî ji bîra gelê Kurd naçe

Serok Barzanî bo revenda Kurdî: Divê cîhan bizane ku Kurdistan landika pêkvejiyanê ye