Serok Barzanî û Balyozê Belarusya proseya siyasî ya Iraqê guftûgo dikin
Navenda Nûçeyan (K24) – Serok Mesûd Barzanî îro 1ê Mijdara 2021ê pêşwazî li Balyozê Belarusya li Iraq Viktor Rybak kir.
Di hevdîtinê de, proseya siyasî, hilbijartinên meha Cotmeha borî ya Encûmena Nûneran a Iraqê û qonaxa piştî hilbijartinan hatin guftûgokirin.
Her di vê civînê de, tekezî li pêşvebirina pêwendiyên di navbera Herêma Kurdistanê û Belarusya de hat kirin.
Pirsa koçê û hevahengiya navdewletî ya di pirsa koç û koçberan de jî, mijareke vê civînê bû û di wê derbarê de Serok Barzanî tekezî li wê kir ku di pirsa koç û koçberan de hemû alî rehendên mirovî li ber çavan bigirin û jiyana koçberan biparêzin
