Balyoza Amerîkayê sersaxiyê li malbata qurbaniyên teqîna Silêmaniyê dike

Hewlêr (K24) – Ji ber teqîna sîstema gazê ya malekê li Silêmaniyê, Balyoza Amerîkayê ya li Iraqê Alina Romanowski peyama sersaxiyê arasteyî malbata qurbaniyan dike û herwiha pesnê tîmên Berevaniya Şaristaniyê da.

Balyoza Amerîkayê ya li Iraqê Alina Romanowski li ser hesabê xwe yê Twitterê ragihand: “Ji ber teqîna tanka gazê li Silêmaniyê, em sersaxiyê li malbata qurbaniyan dikin û hêviya başbûna bilez ji bo birîndaran dixwazin û destxweşiyê li tîmên Berevaniya Şaristaniyê dikin.”

Piştî teqîna sîstema gazê li maleke taxa Kazîwe ya Silêmaniyê, 15 kesan canê xwe ji dest dan û 12 kes jî birîndar bûn.

Li gor zanyariyên Peyamnêrê Kurdistan24ê yê li Silêmaniyê, hejmara birîndarên ku rewşa wan baştir e û ji nexweşxaneyê derketine, pênc kes in û hîn heft kes li nexweşxaneyê ne.