Li balafirgeheke Amerîkayê bi Kurdî bixêrhatinî li geştyaran tê kirin

Washington (K24) – Îro li bajarê Nashville yê eyaleta Tennesse ya Amerîkayê perde ji ser tabloyeke hat rakirin, ku tablo ji bo nîşandana pêzanîn û rêzgirtina li Kurdên bajêr, bi zimanê Kurdî bixêrhatinî li geştyaran dike.

Nûnera Hikûmeta Herêma Kurdistanê ya li Amerîkayê Beyan Samî Ebdurehman di daxuyaniyekê de got: “Spas û pêzanînên me hene bo xelk û hikûmeta Nashville ji bo vê rêzgirtin û pêzanînê ku em di wê baweriyê de ne, ev yekem car e pêngaveke dîrokî ya bi vî rengî ji bo Kurdên diyasporayê tê danîn.”

Beyan Samî Ebdurehman destnîşan kir, zêdetirî 50 sal in bajarê Nashville bûye mala Kurdên Amerîkayê, ku rol û beşdariya wan a mezin hebû di pêşketin û pêşvebirina bajêr de ji aliyê aborî û civakî û çandî ve.