Riha.. 5 zarok di rûdaneke trafîkê de mirin û 5 jî birîndar bûn
Diyarbekir (K24) - Li Rihayê di rûdaneke trafîkê de, ku 3 wesayît tê de bûn, 5 kes mirin û 5 kes jî birîndar bûn.
Li gor agahiyan li Eyyubiyeya navçeya Rihayê, li ber Baxçeyê Miletê Eyyûbiyeyê rûdaneke trafîkê ya zincîre pêk hat û 3 wesayît li hev qelibîn.
Di qezayê de zarokên ku dixwestin ji rê derbas bibin û biçin parkê jî di bin wesayîtan de man. 2 zarokan li cihê wê bûyerê û 3 zarokan jî li nexweşxaneyê jiyana xwe ji dest da.
Li ser agahdarkirina welatiyên derdorê, tîmên tenduristiyê sewqî cihê bûyerê hatin kirin. 5 kesên birîndar jî ji bo nexweşxaneyê hatin veguhastin.
Li ser wê bûyerê, lêpirsîn hatin destpêkirin.