له‌ هه‌ولێر یادی ساڵڕۆژی نیشتمانیی كه‌نه‌دا كرایه‌وه‌

K24 – هه‌ولێر:

له‌ ساڵڕۆژی سه‌ربه‌خۆیی كه‌نه‌دا دا، كونسوڵخانه‌ی ئه‌و وڵاته‌ مه‌راسیمێكی رێكخست و له‌ مه‌راسیمه‌كه‌دا هه‌ریه‌ك له‌ سه‌رۆكی په‌رله‌مانی كوردستان و سكرتێری په‌رله‌مان و پارێزگاری هه‌ولێر و به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی هه‌رێمی كوردستان و ژماره‌یه‌ك په‌رله‌مانتاری فراكسیۆنه‌ جیاكانی په‌رله‌مان به‌شداریان كرد.

رۆژی كه‌نه‌دا (Canada Day) رۆژی نیشتمانی و پشووی ره‌سمییه‌ له‌و وڵاته‌.

مێژووی دیاركردنی ئه‌و رۆژه‌ ده‌گه‌ڕێته‌وه‌ بۆ ئاهه‌نگی ده‌ركردنی یاسای یه‌كخستنی چوار پارێزگاكه‌ی كه‌نه‌دا له‌ 1ی ته‌مموز/ یۆلیۆی 1867 و له‌و مێژوه‌وه‌ خه‌ڵكی كه‌نه‌دا وه‌ك رۆژێكی نیشتمانی یادی ده‌ركردنی ئه‌و یاسایه‌ ده‌كه‌نه‌وه‌.

فۆتۆ: جه‌مال یاد