گوندێكی پشدهر قوربانیی به كۆمهڵ دهكهن و ههر خێزانێك 20 كیلۆ گۆشتی بهردهكهوێت
K24 - پشدهر:
وهكو نهریتێكی ساڵانه، له گوندی زوركانی قهزای پشدهر، دانیشتووانهكهی به كۆمهڵ له جهژنی قورباندا، قوربانیی دهكهن، بهمهش بڕه گۆشتێكی یهكجار زۆر كۆدهكهنهوه و دواتر بهسهر تهواوی دانیشتووانی گوندهكه دابهشی دهكهن.
بهشداربووانی ئهو كاره به كۆمهڵه، به پهیامنێری كوردستان 24یان راگهیاندووه، كه ژمارهی دانیشتووانی گوندهكه، 2 ههزار كهسن و كه له 356 خێزان پێكدێن.
بۆ ئهمساڵیش، بڕی 4 ههزار 200 كیلۆ گۆشتی سووری ئاژهڵی قوربانیی كۆكراوهتهوه، بهو پێیهش گۆشتی قوربانی بە یەکسانی و بەپێی ژمارەی ئەندامانی خێزان دابەش دەکرێت، هەندێ خێزان كه لە 11 ئهندام پێکهاتوون، زیاتر لە 20 کیلۆگرام گۆشتی قوربانیان بهردهكهوێت.
دیاردهی ئهنجامدانی قوربانیی به كۆمهڵ، له چهند ناوچه و لادێیهكی دیكهی كوردستانیش ساڵانه ئهنجام دهدرێت، به شێوهیهك تهواوی گۆشتهكه كۆدهكرێتهوه، ئینجا كۆی گشتی گۆشتهكه بهسهر دانیشتووانی گوندهكه دابهش دهكهن.
ئ. م