وەرگەڕانی تانکەرێکی قیری شل ئاسته‌نگ بۆ هاتووچۆ دروست ده‌كات

K24 - دوكان:

ئەمشەو تەنكەرێكی گواستنەوەی قیری شل لە شەقامی (كلكەسماق - دوكان) وەرگەڕا و بە هۆیەوە ئاستەنگی هاتووچۆ لە بەشێكى شەقامەدا دروست بوو.

قائيمقامیه‌تی قه‌زای دوكان رایگه‌یاند، دوای ئەو رووداوە، ڕاستەوخۆ تیمەكانی بەرگریی شارستانی و شارەوانیی دوكان و پۆلیسی هاتووچۆی دوكان راسپێردران بۆ رێكاری پێویست و لابردنی ئاستەنگییەكە.

به‌ گوێره‌ی راگه‌یه‌ندراوه‌كه‌ی قائیمقامیه‌تی دوكان، ئێستا پاشماوەی قیرەكە و ئاستەنگییەكان لابراون و شەقامەكە بە ڕووی هاووڵاتیان و شۆفێران دا كراوەیە.

روونيش كراوه‌ته‌وه‌، له‌ ئه‌نجامی رووداوه‌كه‌دا، جگه‌ له‌ زیانی ماددی، هیچ زیانێكی گیانی لێ نه‌كه‌وتووه‌ته‌وه‌.

ئ. م