نوێنەرێكی ترەمپ دێتە هه‌رێمی كوردستان

جه‌یمس جێفری لەگەڵ بەرپرسانی باڵای ھەرێمی كوردستان كۆدەبێتەوە

K24 - ھەولێر

بڕیاره‌ ئه‌مڕۆ جه‌یمس جێفری، نوێنه‌ری سه‌رۆكی ئه‌مەریكا له‌ هاوپه‌یمانی نێوده‌وڵه‌تی له‌دژی داعش سه‌ردانی هه‌ولێر بكات و له‌گه‌ڵ به‌رپرسانی باڵای هه‌رێمی كوردستان كۆببێته‌وه‌.

به‌گوێره‌ی ئه‌و زانیاریانه‌ی ده‌ست كوردستان24 كه‌وتووه‌، بڕیاره‌ ئه‌مڕۆ جه‌یمس جێفری سه‌ردانی هه‌ولێر بكات و له‌ سه‌ره‌تادا له‌گه‌ڵ سەرۆك مەسعود بارزانی كۆدەبێتەوە و دواتریش لەگەڵ مەسرور بارزانی، سەرۆكی حكوومەتی ھەرێمی كوردستان كۆببێته‌وه‌.

سه‌ردانی جێفری، بۆ هه‌رێمی كوردستان له‌كاتێكدایه‌ كه‌ له‌ ماوه‌ی هه‌فته‌ی رابردوودا، داعش هێرشه‌كانی له‌ ناوچه‌ كوردستانییه‌كان زیادیكردووه‌.