سبه‌ی مووچه‌ی ئه‌م وه‌زاره‌تانه دابه‌ش ده‌كرێت
K24 - هه‌ولێر:
سه‌رچاوه‌یه‌ك له وه‌زاره‌تی دارایی و ئابووریی حكوومه‌تی هه‌رێمی كوردستان رایگه‌یاند، سبه‌ی دووشه‌ممه، مووچه‌ی فه‌رمانبه‌رانی سێ وه‌زاره‌تی دیكه دابه‌ش ده‌كرێت.
به گوێره‌ی زانیارییه‌كانی ئه‌و سه‌رچاوه‌یه، سبه‌ی دووشه‌ممه، 17ی حوزه‌یرانی 2019، مووچه‌ی وه‌زاره‌تی خوێندنی باڵا، وه‌زاره‌تی سامانه سروشتییه‌كان و وه‌زاره‌تی ئه‌وقاف و كاروباری ئایینیی حكوومه‌تی هه‌رێمی كوردستان دابه‌ش ده‌كرێت.
سه‌رچاوه‌كه راشیگه‌یاند، دابه‌شكردنی مووچه به‌رده‌وام ده‌بێت، ئه‌م هه‌فته‌یه و هه‌فته‌ی داهاتووش مووچه‌ی فه‌رمانبه‌رانی ئه‌و وه‌زاره‌تانه دابه‌ش ده‌كرێت، كه هێشتا وه‌ریان نه‌گرتووه.
ئ. م