عەدنان كەریم: مانگی ئۆكتۆبەر مانگێكی شوومە بۆ ھەڵوەرینی تەمەنی ھونەرمەند و رۆشنبیرانی سلێمانی
K24 - سلێمانی
هونەرمەندی دیاری كورد عەدنان کەریم لەكاتی بەخاكسپاردنی تەرمی شاعیر ی کورد محەمەد عومەر عوسمان ناسراو بە جەنەڕاڵی پایز، بە كوردستان24ی گوت: "مانگی 10 مانگێکی شووم بووە بۆ سلێمانی و کورد، لەم مانگەدا چەندین هونەرمەند و روشنبیر و کەسایەتی و سیاسیی ئەم شارە لەم مانگەدا گەڵای عومریان وەریوە، هیوادارم کۆچی کاکە محەمەد عومەر عوسمان دوا کەسی شارەکەم بێت لێمان بڕوات".
عەدنان كەریم داواشی كرد: "بەرپرسانی سلێمانی و ھەرێمی كوردستان ئاگایان لە هونەرمەندان و شاعیران و رۆشنبیران بێت، با چیتر بە کارەساتی تراژیدیا بەجێمان نەهێڵن، چونكە ئەوان سەرمایەی گەلەكەمانن".
ھەروەھا سەرەخۆشی خۆی لە خانەوادە و کەسوکاری محەمەد عومەر عوسمان کردو گوتی: "جەرەناڵی پایز تەنها لەئێوە نەڕۆیشت، بەڵکو لە هەموو کورد رۆیشت بە تایبەت ئێمەی گۆرانیبێژ".
عەدنان كەریم، یەكێكە لە ھونەرمەندە ناسراوەكانی كوردستان و چەند شیعرێكی محەمەد عومەر عوسمانی كردووە بە گۆرانی.