ھەولێر رێز لە عەزیز شارۆخ دەگرێت
K24 - ھەولێر
لە شاری ھەولێر كۆنسێرتێكی گۆرانی و موزیك بۆ ھونەرمەندی گەورەی كورد عەزیز شارۆخ ساز كرا و چەند خەڵاتێكی رێزلێنانیشی پێبەخشرا.
ئێوارەی رۆژی 30/1/2019، بەڕێوەبەرایەتی گشتی رۆشنبیری و هونەری هەولێر، کۆنسێرتێکی گۆرانی و موزیکی بۆ هونەرمەندی دەنگ زەڵاڵ و رەسەنی موکریان و کوردستان، مامۆستا عەزیز شارۆخ ساز كرد. هەر لە هەمان کۆنسێرتدا، رێوڕەسمی رێزلێنان بۆ عەزیزی شارۆخ رێكخرا و خەڵاتی رێزلێنانی سەرۆكی حكوومەتی ھەرێمی كوردستان و وەزیری رۆشنبیری و چەند دامەزراوەی دیكەی ھەرێمی كوردستان بەخشرایە عەزیز شارۆخ.