وەزارەتی دارایی لیستێكی دیكەی دابەشكردنی مووچەی راگەیاند
K24 - ھەولێر:
وەزارەتی دارایی و ئابووری حكوومەتی ھەرێمی كوردستان، دابەشكردنی مووچەی مانگی 3ی ئەمساڵی تەواوی ئەو وەزارەت و دامەزراوانەی راگەیاند کە تا ئێستا دابەش نەکراون.
سەرچاوەیەک لە وەزارەتی دارایی بۆ کوردستان24ی ئاشکرا کرد، سبەی پێنجشەممە مووچەی وەزارەتەکانی بازرگانی، رۆشنبیری و لاوان، ئاوەدانکردنەوە، سەرۆکایەتی هەرێم و پەرلەمان و مووچەی خانەنشینی پێشمەرگە دابەش دەکرێت.
راشیگەیاند، رۆژی یەکشەممە، مووچەی خانەنشینی شارستانی دابەش دەکرێت.
H.J