مووچەی چەند وەزارەتێک دابەش دەکرێت

دابەشکردنی مووچەی چەند وەزارەتێک راگەیەندرا

K24 – ھەولێر:

رۆژی یەکشەممە 14/10/2018، وەزارەتی دارایی و ئابووری حكوومەتی ھەرێمی كوردستان، مووچەی وەزارەتی خوێندنی باڵا و سامانە سروشتییەکان دابەش دەکات.

سەرچاوەیەك لە وەزارەتی دارایی و ئابووری بە كوردستان24ی راگەیاند: "رۆژی یەکشەممە، مووچەی وەزارەتی خوێندنی باڵا و سامانە سروشتییەکان دابەش دەکرێت".

رۆژی 6 ئەم مانگە وەزارەتی دارایی و ئابووری حكوومەتی ھەرێمی كوردستان، دەستی بە دابەشكردنی مووچەی مانگی تەمموزی 2018 كرد و تائێستا مووچەی ژمارەیەك وەزارەت دابەشكراوە، لە ھەفتەی داھاتووشدا مووچەی چەند وەزارەت و دامەزراوەی دیكە دابەش دەكرێت.

H.J