وەزارەتی دارایی داوای لیستێکی دیکەی مووچە دەکات
K24 – ههولێر:
سەرچاوەیەک لە وەزارەتی دارایی و ئابووری حکوومەت هەرێمی کوردستان بۆ کوردستان24ی ئاشکرا کرد، گەنجینەکان ئاگادار کراونەتەوە تاکو لیستی مووچەی مانگی 4ی ئەمساڵ ئامادە بکەن و بە مەبەستی دابەشکردنی مووچە رەوانەی وەزارەتی دارایی بكەن.
ئەمەش لە کاتێکدایە، ئەمڕۆ یەکشەممە 23/06/2019، مووچەی خانەنشینانی شارستانی دابەش دەکرێت و کۆتایی بە دابەشکردنی مووچەی مانگی سێ - ئازار دێت.
وەزارەتی دارایی لە كۆتایی ھەفتەی رابردوو مووچەی مانگی 3ی ئەمساڵی تەواوی دامودەزگاكانی دابەشكرد.
H.J