مووچەی چەند وەزارەتێك دابەش دەكرێت
K24 - ھەولێر
ئەمڕۆ وەزارەتی دارایی و ئابووری حكوومەتی ھەرێمی كوردستان، مووچەی مانگی 8ی ئەمساڵی دوو وەزارەتی دیكە دابەش دەكات.
سەرچاوەیەك لە وەزارەتی دارایی و ئابووری بە كوردستان24 راگەیاند: "ئەمڕۆ دووشەممە 2018/11/12 مووچەی وەزارەتی سامانە سرووشتییەکان و خوێندنی باڵا و توێژینەوەی زانستی دابەش دەكرێت".
دوێنێ یەكشەممە 2018/11/11 مووچەی وەزارەتی دارایی و ئابووری، مووچەی وەزارەتی کاروباری شەهیدان و ئەنفالکراوان و کەسوکاری شەهیدان و زیندانە سیاسییەکان دابەشكرا.
لە 6ی ئەم مانگە وەزارەتی دارایی دەستی بە دابەشكردنی مووچەی مانگی 8ی 2018 كرد، تائێستا ژمارەیەك وەزارەت مووچەیان وەرگرتووە.