قه‌ڵه‌وترین گه‌نجی كوردستان بوو بە 21 ساڵ

كێشی 230 كیلۆ گرامه‌ و چاره‌سه‌ریشی ته‌نها له‌ ئه‌وروپا هه‌یه‌

K24 - ده‌ربه‌ندیخان:

پەیوەند حه‌مید، لە 23/1/1998، لە قەزای دەربەندیخان لەدایکبووە، بە گوتەی دایکی، لە سەرەتای لەدایکبوونیەوە وەك منداڵێکی ئاسایی هاتە بەرچاو، بەڵام پاش تێپەڕبوونی چلەی تەمەنی، بەشێوەیەکی نائاسایی هەستی بەگەشەی کێشی کردووە و ئه‌مڕۆ ته‌مه‌نی بوو به‌ 21 ساڵ و كێشیشی 230 كیلۆیه‌.

ئێستا پەیوەند لەماڵی خۆیاندا تەنها نییە، (پەشێو)ی برایشی بەهەمان کێشەوە گیرۆدەیە، کێشی پەیوەند 230 کیلۆ و برا بچوکەکەیشی کە تەمه‌نی تەنها 2 ساڵ و 6 مانگە، 41 کیلۆگرامە، ئەمەش وایکردووە  ئەرکی دایکیان لە رووی پەروەردەکردنیان سەخت بێت.

به‌ گوێره‌ی تەواوی راپۆرتە پزیشکییەکانی ناوەوە و دەرەوەی کوردستان، گرفتی ئەم دوو برایە هەبوونی هۆرمۆنی گەشەی کێشە زیاتر لەکەسێکی ئاسایی، چارەسەریشیان تەنها لە نەخۆشخانە ئەوروپایە، ئەمەش لە دەرەوەی توانای خێزانەکەیانە.

هەر لە راپۆرتی پزیشکەکاندا هاتووە، لەدایکبوونی هەر کوڕێکی دیكه‌ لەم خانەوادەیە دووچاری هەمان گرفت دەبێتەوە.

پەیوەند کەئەمڕۆ 23/1/2019 ساڵڕۆژی لەدایکبوونیەتی، ئەو 21 ساڵە تەمەنی، بەو جۆرە بردووەتە سەر، کە ناتوانێ وەک کەسێکی ئاسایی ژیان بکات و دواجار لەپرۆسەی خوێندنیش دابڕاوە.

ئێستا پەنا و پروشە، كه‌ دوو خوشکی ئەوانن، کێشیان ئاساییە و لەو ماڵەدا پێکەوەن و هەر لەجۆری خواردنەکانی ئەوان دەخۆن.

فۆتۆگرافه‌كه‌ی كوردستان 24 ده‌ڵێت: "لە یادی رۆژی لەدایکبوونیدا و له‌ كاتی چوونم بۆ ماڵه‌كه‌یان، دایکی پەیوەند وێنەیەکی کاتی ساوایەتی پەیوەندی نیشاندام، کە لە 4/2/1998 خۆم گرتبووم".

ئەوان بەگەرما و سەرما بەردەوام کێشەی تەندرووستیان هەیە هەر بۆیە زیاتر لەماڵەوەن و بەدیار تەلەفزیۆن و جارجارەش سەیرکردنی ئەلبومی وێنە کۆنەکانەوەن.

ئامادەکردن و فۆتۆ و ئه‌رشیڤ: کاروان یارە

په‌یوه‌ند و حه‌میدی باوكی
په‌یوه‌ند و حه‌میدی باوكی
په‌یوه‌ند له‌گه‌ڵ په‌شێوی برا بچووكی، كه‌ هه‌مان گرفتی زیادبوونی كێشی هه‌یه‌
په‌یوه‌ند له‌گه‌ڵ په‌شێوی برا بچووكی، كه‌ هه‌مان گرفتی زیادبوونی كێشی هه‌یه‌
په‌یوه‌ند و په‌شێو سه‌یری ئه‌لبوومی وێنه‌كان ده‌كه‌ن
په‌یوه‌ند و په‌شێو سه‌یری ئه‌لبوومی وێنه‌كان ده‌كه‌ن
په‌یوه‌ند و په‌شێو
په‌یوه‌ند و په‌شێو
په‌یوه‌ند، له‌ دوو ته‌مه‌نی جیاوازدا، هه‌ردوو وێنه‌كه‌ی كاروان یاره‌ گرتوویه‌تی
په‌یوه‌ند، له‌ دوو ته‌مه‌نی جیاوازدا، هه‌ردوو وێنه‌كه‌ی كاروان یاره‌ گرتوویه‌تی
په‌یوه‌ند له‌گه‌ڵ په‌شێوی برا بچووكی
په‌یوه‌ند له‌گه‌ڵ په‌شێوی برا بچووكی
په‌یوه‌ند، په‌شێو، پرووشه‌ و په‌نا، گرفتی زیادبوونی كێش ته‌نها له‌ كوڕه‌كاندا هه‌یه‌ و كچه‌كان ئه‌و گرفته‌یان نییه‌
په‌یوه‌ند، په‌شێو، پرووشه‌ و په‌نا، گرفتی زیادبوونی كێش ته‌نها له‌ كوڕه‌كاندا هه‌یه‌ و كچه‌كان ئه‌و گرفته‌یان نییه‌
په‌شێو، برا بچووكی په‌یوه‌ند، وه‌كو برا گه‌وره‌كه‌ی گیرۆده‌ی كێش زۆرییه‌
په‌شێو، برا بچووكی په‌یوه‌ند، وه‌كو برا گه‌وره‌كه‌ی گیرۆده‌ی كێش زۆرییه‌
په‌یوه‌ند خه‌ریكه‌ ده‌چێته‌ ده‌ره‌وه‌ی ماڵ
په‌یوه‌ند خه‌ریكه‌ ده‌چێته‌ ده‌ره‌وه‌ی ماڵ
په‌یوه‌ند له‌سه‌ر پلیكانه‌ی هه‌یوانه‌كه‌یان دێته‌ حه‌وشه‌ی ماڵه‌كه‌یان
په‌یوه‌ند له‌سه‌ر پلیكانه‌ی هه‌یوانه‌كه‌یان دێته‌ حه‌وشه‌ی ماڵه‌كه‌یان
په‌یوه‌ند هه‌وڵده‌دات بچێته‌ ناو ئۆتۆمبێل
په‌یوه‌ند هه‌وڵده‌دات بچێته‌ ناو ئۆتۆمبێل
په‌یوه‌ند جاروباریش له‌ ده‌وروبه‌ری ماڵه‌كه‌یان ئۆتۆمبێل لێده‌خوڕێت
په‌یوه‌ند جاروباریش له‌ ده‌وروبه‌ری ماڵه‌كه‌یان ئۆتۆمبێل لێده‌خوڕێت
كاروان یاره‌ فۆتۆگرافه‌ر، له‌گه‌ڵ په‌یوه‌ند،  له‌ ساڵرۆژی له‌ دایكبوونی په‌یوه‌ند
كاروان یاره‌ فۆتۆگرافه‌ر، له‌گه‌ڵ په‌یوه‌ند، له‌ ساڵرۆژی له‌ دایكبوونی په‌یوه‌ند
په‌یوه‌ند له‌ دواوه‌ی ئۆتۆمبێله‌كه‌ وه‌ستاوه‌، له‌سه‌ر جامی دواوه‌ی نووسراوه‌ (ژیان به‌ سه‌ختی وه‌رمه‌گره‌، به‌ زیندوویی لێی ده‌رباز نابی)
په‌یوه‌ند له‌ دواوه‌ی ئۆتۆمبێله‌كه‌ وه‌ستاوه‌، له‌سه‌ر جامی دواوه‌ی نووسراوه‌ (ژیان به‌ سه‌ختی وه‌رمه‌گره‌، به‌ زیندوویی لێی ده‌رباز نابی)