پاکستان بە قژی مرۆڤ ملیارەها دۆلار پەیدا دەکات

K24- هەولێر:

دەسەڵاتدارانی پاکستان بۆ یەکەمجار زانیارییان لەبارەی هەناردەکردنی قژی مرۆڤیان لە پەرلەمان ئاشکرا کرد.

وەزارەتی ئابووری پاکستان رایگەیاندووە، داهاتی ئەو وڵاتە لە هەناردەکردنی هەزاران کیلۆ قژی مرۆڤ لە 5 ساڵی رابردوو یەک ملیار و 600 هەزار دۆلار بووە.

چین یەکێکە لە وڵاتە پیشەسازییەکانی جوانی و کڕیارە سەرەکییەکانی پاکستان. لە پێنج ساڵی رابردوو، زیاتر لە 100هەزار کیلۆ قژی مرۆڤی بۆ دروستکردنی قژی دەستکرد و ئێکستێنشن لە پاکستان هاوردە کردووە.

هەروەها، ئەمەریکا و ژاپۆن و کۆریای باکوور یەکێکترن لە کڕیارەکانی قژی مرۆڤ کە لە پاکستانەوە هاوردەی دەکەن.

یەکێک لە پیشەوەرانی جوانی لە پاکستان وتویەتی کە لە ساڵۆنەکانی جوانکاری ئافرەتان، سەتڵێک بۆ کۆکردنەوەی قژەکان دانراوە و نرخیشی لە نێوان 5 بۆ 6 هەزار رووپیەیە (35 بۆ 45 دۆلار).