جەژن بازاڕی ئارایشتگەکانی گەرم کردووە
K24 - سلێمانی
چەند رۆژێک پێش بۆنە و جەژنەکان ئارایشتگەکانی خانمان قەرەباڵغی زیاتر بە خۆوە دەبینن، کە چەندین ھەفتە پێشتر نۆرە دەگرن. خانمانیش پێیان وایە دەبێت بە گوێرەی ئەو ستایل و جوانکاریانە ئارایشت و جوانکاری بکەن کە ھاوکاتن لەگەڵ مۆدێل و ستایلە سەردەمیەکان.
یەکێک لەو نەریتانەی چەند رۆژێک پیش بۆنە و جەژن و ئاھەنگەکان لای خانمان ھەیە خۆرازاندنەوە و ئامادەكارییە لە ئارایشتگەکان، تا رۆژانی جەژن و بۆنەكان بە جوانترین شێوە دەرکەون.
زۆرێک لە خانمانی کورد، جگە لە گرنگیدان بە ماڵداری و ئامادەکاریی بۆ پێشوازی جەژنی رەمەزان، گرنگی بە بواری جوانکاریی خۆشیان دەدەن، ھەر بۆیە چەند رۆژێک پێش جەژن ئارایشتگەکانی خانمان جمەیان دێت و تەنیا ئەو کەسانەش وەردەگرن کە ماوەی چەند ھەفتەیەک پێشتر ناویان نووسیوە و نۆرەیان گرتووە.
ھ.م