ئه‌وه‌ی نه‌تدیوه‌ له‌ خۆپیشاندانه‌كانی لوبنان بیبینه‌

دیمه‌نی سه‌رنجڕاكێش له‌ خۆپیشاندان لوبنان

K24 - هه‌ولێر:

ماوه‌ی چه‌ند رۆژێكه‌ هاووڵاتیانی لوبنان له‌ به‌یرووتی پایته‌خت، خۆپیشاندان و ناڕه‌زایی له‌ دژی حكوومه‌ت و حزبوڵڵا ده‌رده‌بڕن، كه‌می خزمه‌تگوزارییه‌كان له‌و وڵاته‌ بووه‌ته‌ هۆی ئه‌وه‌ی به‌یرووت وه‌كو زبڵدانه‌یه‌كی گه‌وره‌ی لێبێت.

خۆپیشاندانه‌كانی لوبنان له‌ تۆڕه‌ كۆمه‌ڵایه‌تییه‌كان بڵاوده‌كرێنه‌وه‌، كه‌ چه‌ندین دیمه‌ن و رووداوی جیاواز و سه‌رنجڕاكێشیان تێدایه‌.

له‌ یه‌كێك له‌ گرته‌ ڤیدیۆییه‌كان ده‌رده‌كه‌وێت، كوڕێك داوای هاوسه‌رگیری له‌ خۆشه‌ویسته‌كه‌ی ده‌كات، كه‌ ده‌هۆڵ له‌ نزیكیان ده‌كوتێت و كوڕه‌كه‌ش چاوه‌ڕێی تۆماركردنی ساته‌كه‌یه‌، دواتریش بۆ خۆشه‌ویسته‌كه‌ی دێته‌ سه‌رچۆك و ئه‌ڵقه‌كه‌ی پێشكه‌ش ده‌كات.

له‌ چه‌ند گرته‌یه‌كی دیكه‌شدا ده‌رده‌كه‌وێت، خۆپیشانده‌ران له‌سه‌ر شه‌قام یاری كۆنكان و چه‌ند یارییه‌كی دیكه‌ ده‌كه‌ن.

یه‌كێكی دیكه‌ له‌ وێنه‌كان، كه سه‌رنجی میدیای جیهانی به‌لای خۆیدا راكێشاوه‌، وێنه‌ی كچ و كوڕێكه‌، كه‌ له‌ناوه‌ڕاستی شه‌قام یه‌كدی ماچ ده‌كه‌ن.

خۆپیشاندانه‌كه‌ له‌ توندوتیژی و پێكدادانی نێوان هێزه‌ ئه‌منییه‌كان و گرووپه‌ میلیشیاییه‌كان بێ به‌ش نه‌بووه‌ و به‌هۆی ئه‌و توندوتیژیانه‌وه‌ش، ژماره‌یه‌ك خۆپیشانده‌ر بریندارن و ژماره‌یه‌كیش ده‌ستگیركراون.

كچێك سه‌رقاڵی تۆخكردنه‌وه‌ی سووراوه‌كه‌یه‌تی له‌ شووشه‌ی قه‌ڵغانی پۆلیس
كچێك سه‌رقاڵی تۆخكردنه‌وه‌ی سووراوه‌كه‌یه‌تی له‌ شووشه‌ی قه‌ڵغانی پۆلیس
بووك و زاوایه‌ك له‌ ئاهه‌نگی هاوسه‌رگیری به‌شداری خۆپیشاندان ده‌كه‌ن
بووك و زاوایه‌ك له‌ ئاهه‌نگی هاوسه‌رگیری به‌شداری خۆپیشاندان ده‌كه‌ن
چه‌ند خۆپیشانده‌رێك سه‌رقاڵی یاری كۆنكانن
چه‌ند خۆپیشانده‌رێك سه‌رقاڵی یاری كۆنكانن
له‌ ناوه‌ڕاستی شه‌قام و له‌كاتی خۆپیشاندان سه‌رقاڵی گۆشت برژاندنه‌
له‌ ناوه‌ڕاستی شه‌قام و له‌كاتی خۆپیشاندان سه‌رقاڵی گۆشت برژاندنه‌
ئه‌م خۆپیشانده‌ره‌ به‌ جیاوازی ده‌رده‌كه‌وێت و حه‌وزێكی مه‌له‌وانی داناوه‌
ئه‌م خۆپیشانده‌ره‌ به‌ جیاوازی ده‌رده‌كه‌وێت و حه‌وزێكی مه‌له‌وانی داناوه‌
بووك و زاوا دێنه‌ ناو خۆپیشاندان
بووك و زاوا دێنه‌ ناو خۆپیشاندان
گۆشت برژاندن و خۆپیشاندان
گۆشت برژاندن و خۆپیشاندان