پێنج نیشانە دەریدەخەن رێژەی تیستۆسرۆن لە لەشدا کەمە
K24 – ههولێر:
لەگەڵ زیاد بوونی تەمەن، چەند گۆڕانکارییەک لە لەشی مرۆڤدا روودەدەن، بۆ پیاوانیش، کەم بوونەوەی تێستۆسرۆن (هۆرمۆنێکی ستیرۆیدە و توخمە سیفەتەکان و بەرھەمھێنانی تۆوەکان رێکدەخات) یەکێکە لەوان.
مۆهان گاریکیپاریسی، پزیشک لە زانکۆی ئۆسمانیای هیندستان، گرنگترین ئەو نیشانانە دەستنیشان دەکات کە بەهۆی کەمبوونەوەی رێژەی تێستۆسرۆن پیاوان تیایاندا دەردەکەوێت.
- ماندووبونی زۆر ئەگەرچی زۆریش بنووی
- کەمبوونەوەی کێشی ماسوولکە
- زیابوونی کێشی لەش و چەوری
- لاوازی سێکسی
- خەمۆکی و خێرا گۆڕانی باری دەروونی
چەند رێگایەک هەن بۆ ئەوەی بتوانی بە شێوەیەکی سروشتی رێژەی تێستۆسرۆن زیاد بکەیت، ئەوانیش وەرزشکردن، خواردنی پڕۆتین، زینک، ڤیتامین دی، کەمکردنەوەی فشاری دەروونی و خەو و پشوودان.
دەکرێت لە رێگای پشکنینی خوێن و چەند پشکنینێکی دیکە، رێژەی تێستۆسرۆن دیاری بکرێت.
H.J