یەکەم وێنەی کەعبەی پیرۆز لە زیادکردنێکی ئاشکرا فرۆشرا
K24 – ههولێر:
یەکەم وێنەی شاری مەککە لە لایەن سیخوڕێکی هۆڵەندی گیراوە، لە زیادکردنێکی ئاشکرادا بە بڕی 212 هەزار پاوەند (270 هەزار دۆلار)، فرۆشرا.
سیخوڕەکەی هۆڵەندا ناوی کریستیان سنۆک هورگۆنس بووە و وێنەکەش لە دەوروبەری ساڵی 1880 گیراوە.
سنۆک لە هۆڵەندا بڕوانامەی لە بارەی ئاینی ئیسلام هەبووە و وڵاتەکەشی ناردوویەتی بۆ شاری جەددە تاکو سیخووڕی بەسەر ئەو خێزانانە بکات کە خەڵکی ئیندۆنوسیا بوون و سەر بە چینی دەوڵەمەندو و ئۆرستۆکراتەکان بوون.
مەبەست لەم کارەش یارمەتیدانی کۆمپانیای رۆژهەڵاتی هیندی هۆڵەندی بوو کە دەیویست کارەکانی بۆ ئیندۆنوسیا بگوازێتەوە، جیا لەوەش، ئەو سیخوڕەی هۆڵەندا زانیاری لەسەر ئیسلام و وڵاتانی کەنداو کۆ دەکردەوە.
جیا لەو وێنەیە، سنۆک چەند وێنەیەکی مووسوڵمانانی گرتووە کە هاتوون بۆ بەجێهێنانی فەریزەی حەج.
The Daily Mail
H.J