ترەمپ: ماکرۆن سوکایەتیمان پێدەکات

K24 – هه‌ولێر:

دۆناڵد ترەمپ، سەرۆکی ویلایەتە یەکگرتووەکانی ئەمەریکا لێدوانی ئیمانیۆل ماکرۆنی سەرۆکی فەرەنسا لەبارەی دروستکردنی سوپایەک دژی ئەمەریکا بە "سوکایەتی" دەزانێت.

پێشتر ماکرۆن رایگەیاندبوو، ئەوروپا دەبێت سوپایەکی بەهێز و راستەقینە دروستبکات تاکو بتوانێت خۆی لە هەڕەشەکانی چین، رووسیا  و ئەمەریکا بپارێزێت.

ترەمپ لە تویتێکیدا لە وەڵامدا دەڵێت: "سەرۆکی فەرەنسا پێشنیازی کردووە ئەوروپا سوپایەکی خۆی هەبێت تاکو خۆی لە چین، رووسیا  و ئەمەریکا بپارێزێت".

دەشڵێت: "ئەمە سوکایەتییەکی زۆرە، بەڵام باشترە سەرەتا ئەوروپا بەشە پارەی ناتۆ بدات کە ئەمەریکا پارەیەکی زۆری تێدا خەرج دەکات".

بڕیارە ئەمڕۆ شەممە، ئەو دوو سەرۆکە لە پاریس کۆببنەوە و باس لە پرسەکانی ئاسایشی ئەوروپا، سووریا و ئێران بکەن.

H.J