وەزیری پێشمەرگە: هاوپەیمانان لە هاوکاریکردنی پێشمەرگە بەردەوام دەبن
K24 – ههولێر:
وەزیرانی پێشمەرگە و بەرگری ئەڵمانیا، لە کۆنفرانسێکی رۆژانامەوانیدا، نوێترین مەترسییەکانی ناوچەکە و گروپە توندڕەوەکانیان خستەڕوو.
شۆرش ئیسماعیل، وەزیری پێشمەرگە رایگەیاند: "داعش خەریکی خۆ رێکخستنەوەیە و جەنگی داهاتووی دژ بە داعش سەختر دەبێت".
راشیگەیاند: "هاوپەیمانان بۆ رێکخستنەوەی هێزەکانی پێشمەرگە هاوکاری هەرێمی کوردستان دەکەن".
لای خۆیەوە وەزیری بەرگری ئەڵمانیا گووتی: "زۆر بە هەستیارییەوە چاودێریی رەوشەکە دەکەین و لە کوردستان دەمێنینەوە".
ئاماژەی بەوەشدا: "ئەڵمانیا لە هاوکارییەکانی بۆ هەرێمی کوردستان بەردەوام دەبێت".