سوپای تورکیا دەستی بە بۆردومانکردنی قامیشلۆ کرد

K24 – هه‌ولێر:

پەیامنێری کوردستان24 لە رۆژئاوای کوردستان رایگەیاند، بەهۆی بۆردومانی فڕۆکە جەنگییەکانی تورکیا و هاوەنبارانکردنی شاری قامیشلۆ، هاووڵاتییەکی مەدەنی شەهید بووە و حەوتی دیکەش برینداربوون.

بەگوێرەی زانیارییەکانی کوردستان24، گەڕەکی زەیتونە و گوندی سێ گرکا لە لایەن سوپای تورکیاوە کراونەتە ئامانج و بریندارەکان بۆ نەخۆشخانەی قامیشلۆ گوازراونەتەوە.

ئەیاد عەبدولکەریم، پزیشک لە نەخۆشخانەی قامیشلۆ بە کوردستان24ی راگەیاند، سەرەڕای ئەوەی هاووڵاتییەک گیانی لەدەستداوە، برینی بریندارەکان زۆر سەختە.

H.J