ژمارەی کوژراوانی خۆپیشاندانەکانی عێراق بەرزدەبێتەوە
K24 – ههولێر:
10 خۆپیشاندەر لە شارەکانی بەغدا و بەسڕە کوژران و حکوومەتی عێراقیش هەڕەشەی دەستگیرکردنی ئەو کەسانە دەکات کە هەڵدەکوتنە سەر دامەزراوەکان.
چەند سەرچاوەیەکی ئەمنی عێراقی ئاشکرایانکردووە، لە درێژەی خۆپیشاندانەکانی بەغدا و شارەکانی دیکەی عێراق، کە 15 رۆژی لەسەر یەکە بەردەوامە، لە بەغدا شەش و لە بەسرە چوار خۆپیشاندەر کوژران و بەهۆی سەختی برینی هەندێک لە بریندارەکانیش، پێدەچێت ژمارەی کوژراوان بەرزتربێتەوە.
ئەمەش لە کاتێکدایە، فەرماندەیی ئۆپەراسیۆنەکانی بەغدا، فەرمانی تەقەنەکردنی بەرامبەر خۆپیشاندەران دەرکردووە.
ئەمڕۆ هەینیش، چاوەڕوان دەکرێت، خۆپیشاندانی بەرفراوان ئەنجام بدرێت و ئاڵۆزی زیاتر دروست ببێت.
بەهۆی خۆپیشاندانەکان، تاکو ئێستا نزیکەی 300 کەس لە عێراق کوژراون و هەزاران کەسیش برینداربوون.
H.J