رێگه‌ی نێوان هه‌ولێر - كه‌ركووك داده‌خرێت

K24 - كه‌ركووك:

بە فەرمانی فەرماندەی ئۆپه‌راسیۆنە هاوبەشەکانی کەرکووك، له‌ كاتژمێر 8:40 خوله‌كی ئەمشەوەوە قەدەخەی هاتووچۆی ئۆتۆمبێل لە پردێ دەستپێدەکات و رێگای نێوان هه‌ولێر - كه‌ركووكیش داده‌خرێت.

له‌مباره‌یه‌وه‌ عابدین نه‌جمه‌دین، به‌ڕێوه‌به‌ری پۆلیسی ناحیه‌ی پردێ ئه‌و هه‌واڵه‌ی بۆ په‌یامنێری كوردستان 24 پتشڕاست كرده‌وه‌ و راشیگه‌یاند، هاوكات له‌گه‌ڵ داخستنی رێگای نێوان كه‌ركووك -  هه‌ولێر له‌ ناحیه‌ی پردێ، قه‌ده‌خه‌ی هاتوچۆ له‌سه‌نته‌ری شارۆچكه‌ی پردێش ده‌ستپێده‌كات.

گوتیشی، گرتنه‌به‌ری ئه‌م رێككارانه‌ له‌سه‌ر فه‌رمانی فه‌رمانده‌ی ئۆپه‌راسیۆنه‌ هاوبه‌شه‌كانی كه‌ركووك بووه‌، ئاماژه‌ی به‌وه‌شدا، بڕیاره‌كه‌ له‌ كاتژمێر 8:40 خوله‌كی ئه‌مشه‌و جێبه‌جێ ده‌كرێت و تا كاتژمێر 6:00ی به‌یانی به‌رده‌وام ده‌بێت، به‌بێ ئه‌وه‌ی ئاماژه‌ به‌ هۆكاره‌كه‌ی بكات.

H.B