مووچەی دوو وەزارەتی دیكە دابەش دەكرێت
K24 - ھەولێر
ئەمڕۆ وەزارەتی دارایی و ئابووری حكوومەتی ھەرێمی كوردستان، مووچەی دوو وەزارەتی دیكە دابەش دەكات.
سەرچاوەیەك لە وەزارەتی دارایی و ئابووری بە كوردستان24 راگەیاند: "ئەمڕۆ سێشەممە 18/9/2018، مووچەی مانگی حوزەیرانی ساڵی 2018ی وەزارەتی سامانە سروشتییەکان و وەزارەتی ئەوقاف و كاروباری ئاینی خەرج دەکرێت".
ھەر بەپێی زانیارییەكانی ئەو سەرچاوەیە، لە چەند رۆژی داھاتوودا مووچەی سەرجەم وەزارەت و دامەزراوە حوكمییەكانی ھەرێمی كوردستان دابەش دەكرێت.