لە ئۆكرانیا خۆپیشاندان دژی ھێرشەكانی توركیا ئەنجامدەدرێت
K24 - ھەولێر
لە كیڤی پایتەختی ئۆكرانیا خۆپیشاندان دژی ھێرشەكانی توركیا بۆسەر رۆژئاوای كوردستان ئەنجامدرا و خۆپیشاندەران چوونە بەردەم باڵیۆزخانەی توركیا لەو وڵاتە.
بەشداربووێكی خۆپیشاندانەكە بە كوردستان24ی راگەیاند: "ژمارەیەك لە پەنابەرانی كورد و ھاووڵاتیانی ئۆكرانی بۆ ئیدانەكردنی ھێرشەكانی توركیا بۆسەر رۆژئاوای كوردستان لەبەردەم باڵیۆزخانەی توركیا كۆبوونەوە و داوایان كرد توركیا ھێرشەكانی بوەستێنێ".
گوتیشی: "پۆلیس رێگری لە خۆپیشاندەران بكات و گرژیی لەنێوان پۆلیس و خۆپیشاندەران دروست بوو".
رۆژی چوارشەممە 9/10/2019، سوپای توركیا بە بەشداری میلیشیا چەكدارەكانی سوریا كە شەڕ بۆ توركیا دەكەن، ھێرشیان بۆسەر رۆژئاوای كوردستان دەستپێكرد، بۆ وەستاندنی ئەو ئۆپەراسیۆنەش لەناوخۆ و دەرەوەی كوردستان رێپێوان و خۆپیشاندان بەڕێوەدەچێت.
ھ.م