كەشناسی پێشبینی بەفربارین دەكات
K24 - ھەولێر
كەشناسی پێشبینی دەكات لە ھەندێك ناوچەی ھەرێمی كوردستان بەفر و باران ببارێت.
بەڕێوەبەرایەتی كەشانسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو راگەیاند و بەپێی پێشبینیەكانی كەشناسی ئەمڕۆ ئاسمانی ھەرێمی كوردستان ساماڵ دەبێت لەگەڵ بوونی پەڵە ھەور.
سەبارەت بە كەشوھەوای سبەی چوار شەممە كەشانسی رایگەیاندووە، ئاسمان لە نیمچە ھەورەوە دەگۆڕێت بۆ ھەوری تەواو لە درەنگانی شەو لە ھەندێك ناوچە ئەگەری بەفر و بارانبارین ھەیە.