حكوومه‌ت رێنمایی نوێ بۆ لێخۆشبوون له‌ پێشینه‌كان ده‌رده‌كات

رێنمایی تایبه‌ت به‌ لێخۆشبوون له‌ دانه‌وه‌ی پێشینه‌ ده‌رچوو

K24 - هه‌ولێر:

وه‌زاره‌تی دارایی و ئابووری حكوومه‌تی هه‌رێمی كوردستان، رێنمایی نوێ و تایبه‌ت به‌ لێخۆشبوون له‌ وه‌رگرتنه‌وه‌ی پێشینه‌كان، له‌ هاوسه‌ری شه‌هیدان و بێسه‌رشوێنبووانی شه‌ڕی داعش ده‌رده‌كات.

به‌ گوێره‌ی رێنماییه‌كان، كه‌ واژۆی رێباز حه‌ملان، وه‌زیری دارایی و ئابووری حكوومه‌تی هه‌رێمی كوردستانی به‌سه‌ره‌وه‌یه‌ و ئه‌مڕۆ ده‌رچووه‌، ئاماژه‌ به‌وه‌ كراوه‌، هاوسه‌ری شه‌هیدانی شه‌ڕی داعش و بێسه‌روشوێنبووان، له‌ دانه‌وه‌ی پێشینه‌كان ده‌به‌خشرێن.

ئاماژه‌ به‌وه‌ش كراوه‌، ئه‌و هاوسه‌ری شه‌هید و بێسه‌روشوێنانه‌ی جه‌نگی دژ به‌ تیرۆریستانی داعش، قیستی یه‌كه‌می پێشینه‌ی سندووقی نیشته‌جێبوونیان وه‌رگرتبێت و قیسته‌كانی دیكه‌ی وه‌رنه‌گرتبێت، له‌ قیستی یه‌كه‌م ده‌به‌خشرێت و له‌ كاتی ئاساییبوونه‌وه‌ی بارودۆخی دارایی، قیسته‌كانی دیكه‌شیان پێده‌درێت و له‌ دانه‌وه‌ی پێشینه‌كانیش ده‌به‌خشرێن.

به‌ گوێره‌ی رێنماییه‌ نوێیه‌كه‌، ئه‌و هاوسه‌ری شه‌هید و بێسه‌روشوێنانه‌ی شه‌ڕی داعش، كه‌ داواكاریان بۆ وه‌رگرتنی پێشینه‌ی خانووبه‌ره‌ پێشكه‌شكردووه‌ و ره‌زامه‌ندییان وه‌رگرتووه‌، دوای ئاسایی بوونه‌وه‌ی دۆخی دارایی پێشینه‌كانیان بۆ خه‌رج ده‌كرێت و لێیان وه‌رناگیرێته‌وه‌.

ده‌قی رێنماییه‌ نوێیه‌كانی وه‌زاره‌تی دارایی:

ئ. م