فه‌ره‌نسا: ئێمه‌ پلانى هێرشى سه‌ر سووريامان داڕشت

ئه‌و فڕۆكانه‌ى ئه‌ركه‌كه‌يان ئه‌نجامداوه‌، راسته‌وخۆ له‌ فه‌ره‌نساوه‌ هه‌ڵفڕيون بۆ ئاسمانى سووريا

K24 – هه‌ولێر:

سه‌رۆك ئه‌ركانى هێزى ئاسمانى فه‌ره‌نسا، ئه‌ندريه‌ لاناتا، رايگه‌ياند، ده‌سته‌ى ئه‌ركانى گشتيى سوپاى فه‌ره‌نسا، پلان و هه‌ماهه‌نگى هێرشى سێ لايه‌نه‌ى بۆ سه‌ر سووريا داڕشت.

گوتيشى: "فه‌ره‌نسا نه‌ك ته‌نيا هێزى ئاسمانى، به‌ڵكو به‌رپرسيارێتى مووشه‌ك و فڕۆكه‌كانى چاودێرى و فڕۆكه‌ جه‌نگييه‌كان و فڕۆكه‌ پشتيوانييه‌كانى به‌ريتانياشى له‌ ئه‌ستۆدا بوو".

لاناتا له‌ لێدوانێكيدا بۆ رۆژنامه‌ى (Opex 360) گوتيشى: "سه‌رۆك ئه‌ركانى سوپاى فه‌ره‌نسا، فرانسوا ليكونتر، راسته‌وخۆ سه‌رپه‌رشتى پلانى هێرشه‌ مووشه‌كييه‌كانى فه‌ره‌نسا، به‌ريتانيا و ئه‌مريكاى بۆ سه‌ر سووريا كرد".

روونيشيكرده‌وه‌، "فڕۆكه‌ جه‌نگييه‌كانى فه‌ره‌نسا به‌شدارييان له‌ پرۆسه‌كه‌دا كردووه‌ و ئه‌و فڕۆكانه‌ى ئه‌ركه‌كه‌يان ئه‌نجامداوه‌، راسته‌وخۆ له‌ فه‌ره‌نساوه‌ هه‌ڵفڕيون بۆ ئاسمانى سووريا، هه‌رچه‌نده‌ فه‌ره‌نسا له‌ ناوچه‌كه‌دا فڕۆكه‌ى هه‌يه‌".

ئ.ر