شەپۆلێكی بەفربارین چەند ناوچەیەكی ھەرێمی كوردستانی گرتەوە

K24 - ئامێدی

شەپۆلێكی بەفربارین چەند ناوچەیەكی ھەرێمی كوردستانی گرتەوە و لە ھەندێك ناوچەی سنووریی و گوندە دوورە دەستەكان ئاستەنگ بۆ ھاتووچۆی ھاووڵاتیان دروستبووە.

شیمال بەرچی، پەیامنێری كوردستان24 لە دەڤەری ئامێدی رایگەیاند: "لە شەوی رابردووەوە شەپۆلێكی بەفربارین زۆربەی ناوچەكانی دەڤەری ئامێدی گرتووەتەوە و لە ھەندێك شوێن نزیكەی 15سم باریووە تا ئێستا بەفربارین بەردەوامە".

عەزیز بەرواری، لە بنكەی كەشناسی كانی ماسی بە كوردستان24 گوت: "بەھۆی ئەو شەپۆلە بەفربارینەی ناوچەكەی گرتووەتەوە رێگەی دەروازەی سنووری سەرزێڕ و ژمارەیەك گوند گیراوە و لە زۆربەی ناوچەكە زیاتر لە 10سم بەفر باریووە".

ھ.م