له‌ هێرشێكی خۆكوژیی داعشدا 4 چه‌كداری حه‌شدی شه‌عبی كوژران

به‌ ئۆتۆمبێلی بۆمبڕێژكراو هێرشه‌كه‌یان ئه‌نجامداوه‌
kurdistan24.net

K24 - هه‌ولێر:

له‌ هێرشێكی چه‌كدارانی داعش، بۆ سه‌ر باره‌گاكانی حه‌شدی شه‌عبی له‌ سامه‌را، 4 چه‌كداری حه‌شدی شه‌عبی كوژران.

به‌ گوێره‌ی شانه‌ی راگه‌یاندنی ئه‌منی، ئه‌مشه‌و چه‌كدارانی داعش، به‌ ئۆتۆمبێلێ بۆمبڕێژكراو كه‌ خۆكوژێك لێیخوڕیوه‌، هێرشیان كردووه‌ته‌ سه‌ر حه‌شد و له‌ناو باره‌گایه‌كدا خۆی ته‌قاندووه‌ته‌وه‌.

ئاماژه‌ به‌وه‌شكراوه‌، خۆكوژێكی داعش، به‌ ئۆتۆمبێلی بۆمبڕێژكراو هێرشه‌كه‌ی ئه‌نجامداوه‌ و هێزه‌كانی لیوای 313ی حه‌شدی شه‌عبی كردووه‌ته‌ ئامانج.

ئ. م