ئەو كەسەی تەقەی لە پزیشكەكەی سلێمانی كرد دەستگیر كرا

K24 - سلێمانی

لە كۆنگرەیەكی رۆژنامەوانیدا عه‌مید ئاسۆ ته‌ها، به‌ڕێوه‌به‌ری‌ پۆلیسی‌ سلێمانی‌ رایگەیاند: "لە ماوەی كەمتر لە 72 كاتژمێر ھێزەكانمان توانیان ئەو تۆمەتبارە دەستگیر بكەن كە لە 3ی ئەم مانگە لە نۆرینگە ھەڵیكوتایە سەر دكتۆر كەمال".

گوتیشی: "ئەو كەسە ناوی (ھ. ع. ك) لە دایكبووی ساڵی 1982 خەڵكی دەرەوەی سلێمانی، پێشتر دەمانچەیەكی كڕیووە كە ئەو كردەوەی پێ ئەنجام بدات، دوێنێش دەمانچەكەی فرۆشتووە و لە لێكۆڵینەوە سەرەتاییەكان دانی بە تاوانەكەدا ناوە".

سەبارەت بە ھۆكاری رووداوەكە بەڕێوەبەری پۆلیسی سلێمانی گوتی: "تا دوای لێكۆڵینەوەكە نامانەوێت باس لە ھۆكاری رووداوەكە بكەین".

رۆژی 3/12/2018 لە نۆرینگەكەی خۆی سلێمانی تەقە لە د. كەمال ئەحمەد سەعید كرا و بە برینداری بۆ نەخۆشخانە گواسترایەوە.