يه‌په‌گه‌ چه‌كدارێكى ئيتاڵى ريزه‌كانى داعشى به‌ ديل گرت

ده‌يويست سووريا به‌ره‌و توركيا به‌جێبهێڵێت

K24 – هه‌ولێر:

له‌ كاتێكدا ده‌يويست سووريا به‌ره‌و توركيا به‌جێبهێڵێت، يه‌كينه‌كانى پاراستنى گه‌ل(يه‌په‌گه‌) توانيان چه‌كدارێكى داعشى به‌ ره‌چه‌ڵه‌ك ئيتاڵى ده‌ستگير بكه‌ن.

له‌ به‌ياننامه‌يه‌كدا يه‌په‌گه‌ رايگه‌ياندووه‌، ئه‌و چه‌كداره‌ ئيتاڵييه‌ ناوى سمير بوكانايه‌ و له‌ ناو داعش ناوى له‌ خۆى ناوه‌ ئه‌بو حوره‌ير موهاجر.

يه‌په‌گه‌ روونيشيكردووه‌ته‌وه‌، ئه‌و چه‌كداره‌ ئه‌ركى ئه‌وه‌ بووه‌ چه‌ك و ته‌قه‌مه‌نى بۆ رێكخراوى داعش دابين بكات.

ئيتاڵيا ئه‌ندامى هاوپه‌يمانى نێوده‌وڵه‌تى دژى داعشه‌ و ئه‌گه‌رى ئه‌وه‌ له‌ ئارادايه‌ دواى ته‌واوبوونى لێكۆڵينه‌وه‌ له‌گه‌ڵى، ئه‌و چه‌كداره‌ راده‌ستى وڵاته‌كه‌ى بكرێته‌وه‌.

 ئ.ر