مالیکی و عەبادی هەڵوێستی خۆیان لەبارەی بوونیان بە سەرۆک وەزیران ئاشکرا دەکەن
K24 – ههولێر:
حەیدەر عەبادی رەتیدەکاتەوە خۆی بۆ پۆستی سەرۆک وەزیرانی عێراق کاندیدبکاتەوە، یان لە دیاریکردنی کەسێک بۆ ئەو پۆستە بەشداربێت.
دوای دەستلەكاركێشانەوەی سەرۆك وەزیرانی عێراق و دەستپێكردنی هەوڵەكان بۆ دیاری كردنی کەسێکی دیکە بۆ ئەو پۆستە، حەیدەر عەبادی سەرۆكی هاوپەیمانی نەسر و سەرۆك وەزیرانی پێشووی عیراق، رەتیکردەوە خۆی بۆ پۆستی سەرۆک وەزیرانی عێراق کاندیدبکاتەوە، یان لە دیاریکردنی کەسێک بۆ ئەو پۆستە بەشداربێت.
دوێنێش نوری مالكی سەرۆكی هاوپەیمانی دەوڵەتی یاسا و سەرۆک وەزیرانی پێشووتری عێراق رایگەیاند، بەنیاز نیە خۆی بۆ سەرۆكایەتی حكوومەت كاندید بكاتەوە.
ئەمەش لە کاتێکدایە، پەرلەمانی عێراق دەستلەکارکێشانەوەی عادل عەبدولمەهدی لە پۆستی سەرۆک وەزیرانی عێراق پەسەند کرد و حکوومەتی عێراقیش بووەتە حکوومەتێکی کاربەڕێکەر تا ئەو کاتەی کەسێک بۆ پێکهێنانی حکوومەتی نوێ رادەسپێردرێت.
H.J