بەھۆی بومەلەرزە 20 كەس لە باكووری كوردستان گیانیان لەدەستدا
K24 - ھەولێر
بەھۆی بوومەلەرزەوە لە باكووری كوردستان، 20 كەس گیانیان لەدەستدا و نزیكەی ھەزار كەسیش بریندار بوون.
شەوی رابردوو 28 بوومەلەرزە لە توركیا و باكووری كوردستان روویاندا و ناوەندی بوومەلەرزەكە، شاری خارپێت بوو، بوومەلەرزەی یەكەم بە پلەی 6.8 رێختەر بووە و بومەلەرزەی دووەم بە پلەی 5.4 رێختەر بووە. ھەروەھا لە شارەكانی دیاربەكر و ماردین ھەستی بە بوومەلەرزە كراوە.
بە گوێرەی ئامارە سەرەتاییەكان، 20 كەس لە شارەكانی خارپێت و مالاتیا گیانیان لەدەستداوە و دەیانی دیكەش بریندار بوونە، ھەروەھا چەندین خانوو و باڵەخانە رووخاون. دەیان ئەمبولانس بەرەو شوێنی بوومەلەرزەكان نێردراون و تیمەكانی فریاكەوتن خەریكی گەڕانن لەنێو خانووە رووخاوەكان.
لە رۆژئاوای كوردستان لە شارەكانی عەفرین، قامشلۆ و كۆبانی ھەستی پێكراوە، ھەروەھا لە شاری دھۆكیش ھەست بە بوومەلەرزەكە كراوە.
ھ.م