كاروانێكی سه‌ربازیی ئه‌مه‌ریكا گه‌یشته‌ ناوچه‌ی ته‌ل ته‌مر

K24- رۆژئاوای كوردستان:

ئه‌مه‌ریكا كاروانێكی دیكه‌ی هێزی سه‌ربازی ره‌وانه‌ی بنكه‌ سه‌ربازییه‌كانی خۆی له‌ باكووری ته‌ل ته‌مری رۆژئاوای كوردستان ده‌كات.

په‌یامنێری كوردستان24 رایگه‌یاند، ئه‌مڕۆ كاروانێكی سه‌ربازی هێزه‌كانی ئه‌مه‌ریكا به‌ره‌و بنكه‌ی سه‌ربازی قه‌سریكی باكووری ته‌ل ته‌مر و باكووری شاری حه‌سه‌كه‌ی رۆژئاوای كوردستان ‌چوون.

په‌یامنێری كوردستان24 گووتیشی: له‌ناو كاروانه‌ سه‌ربازییه‌كه‌دا چه‌كی قورس و تانك و زرێپۆش ده‌بینران.

بنكه‌ی سه‌ربازی قه‌سریك نزیكه‌ی 40 كیلۆمه‌تر له‌ شاری حه‌سه‌كه‌ی رۆژئاوای كوردستانه‌وه‌ دووره‌.

H.B