بوومەلەرزە چەند ناوچەیەكی ھەرێمی كوردستانی ھەژاند

لە زۆربەی ناوچەكان ھەستی پێكراوە

K24 - ھەولێر

كەمێك پێش ئێستا بوومەلەرزەیەك چەند ناوچەیەكی ھەرێمی كوردستانی ھەژاند.

پەیامنێرانی كوردستان24 رایانگەیاند: "بوومەلەرزەیەك سلێمانی و ھەڵەبجە و كەركووك و  دەڤەری راپەڕین و سۆران و چەند شارو شارۆچكەیەكی دیكەی ھەرێمی كوردستانی ھەژاند".

بەڕێوەبەرایەتی كەشناسی و بومەلەرزەزانی ھەرێمی كوردستان لە راگەیەندراوێكدا ئاشكرای كرد: "كاتژمێر 1: 07 خولەك ئەمڕۆ 22/7/2018 بوومەلەرزەیەك لە رۆژھەڵاتی كوردستان تۆماركراوە لە ناوچەی تازە ئابادی كرماشان بە قوڵایی 5.7كم بە گوڕی 5.9 پلەی رێختەر لە زۆربەی شارەكانی كوردستان ھەستی پێكراوە و ھیچ زیانێكی نەبووە".

دەقی راگەیەندراوی بەڕێوەبەرایەتی كەشناسی و بومەلەرزەزانی ھەرێمی كوردستان
دەقی راگەیەندراوی بەڕێوەبەرایەتی كەشناسی و بومەلەرزەزانی ھەرێمی كوردستان

ھاوكات بەپێی میدیا فەرمی ئێران، بوومەلەرزەیەك بە گوڕی 5.9 رێختەر پارێزگاكانی کوردستان، هەمەدان، ئازەربایجان و کرماشانی هەژاندووە.

بە گوێرەی زانیارییەكان ئاژانسی ھەواڵی مێھر، ناوەندی بوومەلەرزەكە تازاوای کرماشان بووە و لە قووڵایی 8 کیلۆمەتری روویداوە.

ئەمە لەكاتێكدایە سەر لەبەیانی ئەمرۆش بوومەلەرزەیەك لە ناوچەی روویدەری سەر بە پارێزگای ھۆرمۆزگانی ئێران روویداوە.

موجتەبا خالیدی، گوتەبێژی ناوەندی فریاكەوتنی ئێران ئاشكرای كرد، بوومەلەرزەكەی بەیانی ئەمڕۆی ئێران، گوڕەكەی5.7 رێختەر بووە.

ھ.م