قەڵادزێ: ئافره‌تێك به خنكاوی گه‌یه‌ندرایه نه‌خۆشخانه
K24- قه‌ڵادزێ:
پۆلیسی ڕاپەڕین بڵاوی کردەوە لەگەڕەکی ڕاپەڕینی قەڵادزێ ئافرەتێکی تەمەن ٤٥ ساڵ کە دایکی 4 منداڵە کۆتایی بە ژیانی هێنا.
لە بڵاوکراوەیەکدا پۆلیسی راپه‌ڕین ئاماژە بە کات و شێوازی ڕووداوەکە دەکات و دەڵێت: کاتژمێر 8:25 خولەکی ئەمشەو، چوار شەممە تەرمی ژنێك بەناوی ( ز . ع . ح) تەمەن ٤٥ ساڵ کە پیشەی ژنی ماڵەوه‌یه و دانیشتووی گەڕەکی شەهیدانی قەڵادزێیه، بە مردوویی گەیەندراوەتە نەخۆشخانەی گشتی قەڵادزێ.
پۆلیس دەڵێت: لە توێکاری پزیشکی بۆ لاشەکەی دەرکەوتووە ئافره‌ته‌كه به په‌ت خنکاوە.
پۆلیس وتەی لە کەس و کاری ئەو ژنە وەرگرتووە، بە وتەی هاوسەرەکەی، باری دەرونی ناجێگیر بووە.
ئافرەتەکە دایکی 4 منداڵە و پاش توێکاری بۆ لاشەکەی ڕادەستی کەسوکاره‌كه‌ی کرایەوه و دۆسیه‌ی لێکۆڵینەوە بۆ ڕووداوەکە کراوەتەوە.
H.B