مه‌سرور بارزانی: شانازى به‌و میلله‌ته ده‌كه‌م كه بووه‌ته په‌ناگه‌یه‌ك بۆ لێقه‌وماوان
K24 - هه‌ولێر:
ئه‌مڕۆ شه‌ممه، 16/11/2019، كه هاوكاته له‌گه‌ڵ لە رۆژی جیهانی لێبوردەیی، مه‌سرور بارزانی، سه‌رۆكی حكوومه‌تی هه‌رێمی كوردستان، له هه‌ژماری تایبه‌تی خۆی له تۆڕی كۆمه‌ڵایه‌تی تويته‌ر نووسیویه‌تی: "شانازی ده‌كه‌م به‌وه‌ی ئه‌م میلله‌ته هه‌رگيز درێغی نه‌كردووه له‌وه‌ی په‌ناگه‌یه‌ك بێت بۆ ئه‌وانه‌ی له ره‌وشێكی خراپدان".
سه‌رۆكی حكوومه‌ت هه‌ر له تویته‌كه‌دا، ئاماژه به رۆڵی خۆبه‌خشان و رێكخراوه مرۆییه‌كان ده‌كات له پرسی به‌هاناوه‌چوونی ئاواره و په‌نابه‌ران و ده‌ڵێت: "سوپاسی ئه‌و خۆبه‌خش و رێكخراوه مرۆییانه‌ش ده‌كه‌م كه هاوكارمانن له دابینكردنی پێداویستییه‌كانی ئاواره‌كان".
مه‌سرور بارزانی به پێویستی ده‌زانێت كه كۆمه‌ڵگه‌ی نێوده‌وڵه‌تی رۆڵی زیاتری هه‌بێت و ده‌ڵێت: "پێویسته كۆمه‌ڵگه‌ی نێوده‌وڵه‌تی، له‌م رووه‌وه كاری زیاتر بكات".
به‌هۆی شه‌ڕی داعش له عێراق و سووریا ، ژماره‌یه‌كی زۆر ئاواره و په‌نابه‌ر روویان له هه‌رێمی كوردستان كرد كه ژماره‌یان 2 ملیۆن پتر بوو، تا ئێستاش ملیۆن و 100 هه‌زار ئاواره و په‌نابه‌ر له هه‌رێمی كوردستان ماونه‌ته‌وه، كه زۆرینه‌یان له كه‌مپه‌كانی پارێزگای دهۆكن.
I am proud that this nation has never shied away from providing shelter to those most in need.
— Masrour Barzani (@masrour_barzani) November 16, 2019
Thanks to the brilliant aid workers who are helping us get the resources and support to those who need it, but the international community must do more. #StrongerKurdistan pic.twitter.com/erbt6OQGxA