له زاخۆ ده‌ست به‌سه‌ر 5 كیلۆگرام مادده‌ی هۆشبه‌ردا گیرا
K24 – زاخۆ:
ئاسایشی زاخۆ ده‌ستیگرت به‌سه‌ر 5 كیلۆگرام مادده‌ی هۆشبه‌ردا، كه سێ كیلۆگرامی مادده‌ی هیرۆیین و دوو كیلۆگرامیشی مادده‌ی كریستاڵ بوو.
سه‌رچاوه‌یه‌ك له ئاسایشی زاخۆ بۆ كوردستان24 رایگه‌یاند، دوای كۆكردنه‌وه‌ی زانیاری ورد له باره‌ی مامه‌ڵه‌كردن به مادده هۆشبه‌ره‌كانه‌وه، ئاسایشی زاخۆ دره‌نگانی شه‌وی رابردوو، هه‌وڵیاندا تۆمه‌تبارێك ده‌ستگیر بكه‌ن.
ئه‌و سه‌رچاوه‌یه گوتیشی: تۆمه‌تباره‌كه توانی رابكات و ده‌ست به‌سه‌ر ئۆتۆمبێله‌كه‌یدا گیراوه دوای ئه‌وه‌ی ته‌قه‌ی لێكراوه.
مانگی ئابی رابردووش دوو كه‌س به تۆمه‌تی بازرگانیكردن به مادده هۆشبه‌ره‌كانه‌وه ده‌ستگیركران، كه بڕی دوو كیلۆ گرام مادده‌ی هێرۆیینیان پێ گیرابوو.