ئێران نوێترین مووشەکی دوورهاوێژی خۆی نمایشکرد

K24 – هه‌ولێر:

کۆماری ئیسلامی ئێران سیستمێکی مووشەکی نوێ بە ناوی "باوەر 373" بەرهەم دەهێنێت کە بە گووتەی میدیای فەرمی ئەو وڵاتە هاوشێوەی مووشەکی ئێس-300ی رووسییە.

مووشەکەکە لە دووری 200 کیلۆمەتر ئامانجەکەی دەپێکێت و بەم نزیکانە رادەستی هێزە چەکدارەکانی ئێران دەکرێت.

لە ساڵی 2007، گرێبەستێکی نێوان ئێران و رووسیا بۆ کڕینی سیستمی مووشەکی ئێس-300ی رووسی بە بەهای 900 ملیۆن دۆلار لە لایەن مۆسکۆوە بەهۆی سزاکانی ئەنجوومەنی ئاسایش بۆ سەر ئێران هەڵوەشێندرایەوە.

لە ساڵی 2015، دانووستانەکان لەبارەی ئەو گرێبەستە دەستپێکردەوە و لە ساڵی 2016، سیستمە رووسییەکە رادەستی تاران کرا.

لە کاتی نمایشکردنی "باوەر 373"، حەسەن رۆحانی، سەرۆککۆماری ئێران، بەشداریی مەراسیمەکەی کرد و لە میدیای حکوومی ئەو وڵاتە لە باسکردنی تواناکانی سیستمەکە، هاوشێوەی ئێس-300 رووسی باسکرا.

Sputnik

H.J